Castle 1 e Horror Film 1 desmontan e amplían o evento da proxección, cada un ao seu xeito: Castle 1, rompendo a ilusión a través dunha lámpada fronte a pantalla que se vai acendendo a cada canto; Horror Film 1 pon en xogo o corpo do artista para descompoñer o feixe de luz coloreado de tres proxectores en diferentes sombras de cores: unha experiencia visual nova a partir dos elementos básicos da proxección.

Por outra banda, Berlin Horse é un traballo cuxa beleza conxúgase cunha investigación arredor do material e tempo fílmicos. A partir da metraxe propia en 8mm e dunha película atopada dos comezos do cine, Le Grice refilma e manipula un hipnótico bucle, como hipnótico é o bucle sonoro creado por Brian Eno para a peza, que se exhibe con dous proxectores. Por outro lado, Threshold é un traballo no que ao emprego reflexivo da copiadora óptica se suman as posibilidades das permutacións da cor, construíndo a través da tripla proxección en 16mm unha peza profunda e complexa, na que o estudo das posibilidades da película e da proxección se suman a unha intensa experiencia visual.

PROGRAMA
Sábado 08/06 | 23:00 h | Sala (S8) Palexco

CASTLE 1
Malcolm Le Grice, Reino Unido, 1966, performance 16mm, 22 min.

BERLIN HORSE
Malcolm Le Grice, Reino Unido, 1970, dobre proxección 16mm, 9 min.

THRESHOLD
Malcolm Le Grice, Reino Unido, 1972, tripla proxección 16mm, 17 min.

HORROR FILM 1
Malcolm Le Grice, Reino Unido, 1971, performance 16mm, 14 min.