E para pechar a edición, o penúltimo día da Mostra reunímonos fóra das salas para facer un último brinde, nesta sesión vermú coa incomparable Fee Reega e o seu “folk problemático”. Fee Reega naceu en Balingen, no sur de Alemaña, e pasou por escenas musicais de Berlín e Madrid antes de mudarse a Asturias, onde reside actualmente en Xixón. Publicou discos en alemán, inglés e español, incluíndo dous discos de estudio,
La Raptora (2014, Truco Espárrago) e
Sonambulancia (2017, Humo).
Sábado 08/06 | 14.00 h | Xardíns de Méndez Núñez
