SEMINARIO A CUARTA PAREDE

ACTIVIDADES PARALELAS

SEMINARIO A CUARTA PAREDE

CRÍTICA E PROGRAMACIÓN EN LIÑA

O cine experimental sempre apostou pola exhibición das películas no seu formato orixinal, sendo o feito cinematográfico da proxección en fílmico un dos seus eixes centrais. No entanto, o experimental non é incompatible coa evolución tecnolóxica. O II Seminario de Crítica quere facer fincapé este ano no mundo en liña como un espazo onde o cine experimental debe seguir a súa expansión na procura de novos públicos: xa sexa dende a crítica cinematográfica ou dende a programación de películas.

A Cuarta Parede volve á (S8) Mostra de Cinema Periférico para seguir teorizando arredor do cine experimental. Con motivo do décimo aniversario da Mostra, o II Seminario de Crítica esténdese máis alá das datas do propio festival cunha ambiciosa proposta. O seminario, organizado por A Cuarta Parede e (S8) Mostra de Cinema Periférico co apoio de Acción Cultural Española, contará con sesións teóricas, mesas redondas e proxeccións.

O alumnado terá a posibilidade de publicar textos, escritos e audiovisuais en A Cuarta Parede e contará co apoio desta na edición dos seus textos.

DOCENTES
Image module
Image module
  • STEFANO MIRAGLIA

    Stefano Miraglia é un comisario independente e artista visual residente en Francia e Italia. É o fundador de MOVIMCAT – The Moving Image Catalog, un proxecto en liña sobre a cultura da imaxe en movemento. Ademais de MOVIMCAT, as súas actividades de comisariado inclúen proxeccións e exposicións para Le Dôme Festival (Francia) e Nomadica (Italia). As súas películas son distribuídas por Collectif Jeune Cinéma e foron exhibidas en numerosos festivais e organizacións de cine internacionais.

  • BRAIS ROMERO SUÁREZ

    Brais Romero Suárez, director da revista A Cuarta Parede, programador do Festival Internacional de Cine Curtocircuíto e investigador audiovisual, traballa a miúdo no campo do vídeo ensaio, a lingua galega e a identidade. Na actualidade traballa na súa tese de doutoramento sobre o rol do galego no cine de ficción.

SESIÓNS
Image module
  • PROYECCIÓN

    Mércores 29/05 | 21:00 h | Cineclube Compostela

    Con motivo do seminario, e a modo de arrinque deste, o Cineclube de Compostela acollerá a proxección dunha serie de filmes seleccionados por Stefano Miraglia:

    Palms (Mary Helena Clark, 2015)
    La Señal Cósmica (Leandro Varela, 2018)
    Hammam (Nick Collins, 2018)
    Midnight Orange (Gautam Valluri, 2018)
    Shape of a Surface (Nazlı Dinçel, 2017)
    Le bruissement de la parole (Clio Simon, 2013)
    Oasis of Mirrors (Zahid Jiwa, 2013)
    Il mondo di sotto (Chiara Caterina & Nicola Di Croce, 2017)

  • Sesión 1

    Sábado 01/06 | 10:30 – 12:00 h | Sala de Prensa Afundación

    Impartida por Stefano Miraglia

    Que hai detrás do acto de comisariar un catálogo en liña para a comunidade global das imaxes en movemento? Para responder a esta pregunta, abordaranse os temas da cinefilia, a difusión e a recepción, a arte e o pensamento crítico, a través do punto de vista de dous estudos de caso, lecturas seleccionadas e a experiencia persoal de Miraglia. Un dos estudos de caso será o programa de televisión italiano nocturno Fuori Orario, partindo da idea (e ideais) que difundiu durante os últimos trinta anos no referente á programación experimental. Fomentarase o pensamento crítico colectivo sobre o cine experimental, especificamente sobre os seus aspectos prácticos e sociais. Neste sentido, cara o remate da sesión, preguntarémonos: que podemos aprender do mundo da arte contemporánea (que está aínda moi lonxe, e tan preto!). A sesión finalizará cun exercicio crítico específico dentro do campo da imaxe en movemento.

  • Sesión 2

    Sábado 01/06 | 12:30 – 14:00 h | Sala de Prensa Afundación

    Impartida por Brais Romero

    Fundada en, 2011, A Cuarta Parede é a primeira revista de crítica cinematográfica en galego. Creada en paralelo ao nacemento do Novo Cinema Galego, a revista deu cabida a todas as expresións do cine, dende as máis experimentais ata as máis comerciais, tendo sempre especial interese por dar conta do cine galego. Nesta sesión, veremos a evolución da revista nos últimos anos, así como os aspectos que van máis alá, dende a propia organización do equipo a algúns dos problemas que xorden ao exercer a crítica cinematográfica de forma en liña e dende Galicia.

  • Sesión 3

    Impartida por Stefano Miraglia

    Sesión práctica

    Nesta sesión, empregando os materiais colgados na web de Moving Image Catalog (Movimcat.eu), o alumnado terá a ocasión de enfrontarse á programación de hipotéticos ciclos de cine. Dende a procura dunha idea central á recompilación de bibliografía para apoiar os visionamentos, ata a planificación temporal dos contidos e a súa difusión na web, esta sesión estará adicada á parte máis práctica da programación (dificultades, problemas, consellos) nun contorno experimental e en liña.

logo